قصيدة غزل وعتاب للشاعر نائل مضفر

من طرف talep noor السبت سبتمبر 19, 2009 10:15 am

أريد وياك افتح باب العتاب
وأكفر بالعشگ لو گتلي سدة

تنام أبلا مخدة ويخلص الليل
وانة كلساع شابگلي مخدة

صاير ما تحس كلش هلأيام
وحيل أتغيرت بيك المودة

تجر گلبي وتحبسة بطرف الرموش
لاعينك تشدة ولاتهدة

ولو خصرك سفينة وصدرك شراع
وتخدر كل هوة بصدرك تصدة

بس لاتنتفخ كلش على هواك
لانغرگ ولك يسمر تهدة

آنة اشگد اجيتك كفر الباب
من گد ما ألي تفتحة وتسدة

وانتة ولا أجيت بيوم يهواي
حتى بالعشگ گاظيهة خدة

هاي وياك صارت وحدة يهواي
وأمس بالليل هم مطلوب وحدة

كلشي الزين بيك وكلشي مو زين
حچيتة وبلهوة ظليت أهدة

أشوف الزين كلة الأذنك أيروح
والموزين من يمك تعدة

يسباح الشواطي أشبدلك شوك
ليش اتغيرت مو چنت وردة

وأشوف الناس گالت هذا يهواك
وعليك ايدور وجهة اشما تعدة

گلت لا چي حلو مو وجهة اليدور
خدة أيدور حتى أيبوس خدة

وجناتك شمس تحرگ بالگلوب
والما يحترگ يحترگ جدة

احترگ جدي بهواك وشيب الراس
نسيت اشلون كل ذيچ المودة

شتگل للناس ما يعرفني چذاب
ولا شعري لعب جولة على زندة!!!

وانة الچافي العمر من فتحة الزيج
والليمون فوگ اچفوفي ندة

اعددلك شكو بجسمك مسامات
وأسميهن بسمهن وحدة وحدة

مو آنة الخلقتك ونفخت بيك
بس الخالقك ظليت اعبدة

تذكر من چنت تتشابگ وياي
شعرك روج احسه وچتفي سدة

يشدني وأرد أشدة وما أشد شي
لأن خيط الشمس محد يشدة
لأن خيط الشمس محد يشدة

من طرف أشراقة الحب السبت سبتمبر 19, 2009 11:05 am

الله الله عالنقل ياطالب
والله مكانك خالي وظلمه تره الدوام
شكرا على النقل الجميل

من طرف كاظم المسافر السبت سبتمبر 19, 2009 8:09 pm

واني من الشاهدين على قول الاخت اشراقه
مشتاقيلك موت ياورده
بس ردت اسال سوال
انته شجابك عالشعر والغزل
انته مال تحشيش مال قصائد احمد مطر
ترزل بال....... اخاف يزعلون
حبيبي طالب امزح وياك
انته روعه في كل شي

من طرف talep noor الأحد سبتمبر 20, 2009 1:46 am

اولا الدوام مو وحشة وضلمة لان القمر بيه ومنورة
ثانيا انة مو مال شعر يا ابو الارياف والقرى ههههههههههههههه
رجاءا لحد يزعل انة اخوكم الزعير عنوني

قصيدة غزل وعتاب للشاعر نائل مضفر

قصيدة غزل وعتاب للشاعر نائل مضفر

رد: قصيدة غزل وعتاب للشاعر نائل مضفر

رد: قصيدة غزل وعتاب للشاعر نائل مضفر

رد: قصيدة غزل وعتاب للشاعر نائل مضفر