محاورة شعرية ابوذية

هو : عليّ ثوب الونــــين اشكثـــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـــــــــــــــــــــه

هي : هموم هواك ما خلــــــــن .. علي حال
فريضة وحبك مـــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشدعلي صار بيــــــــــــــــــــــــــــه

هو : الج بس انتي گلبــــــــــــي .. ورجيته
ودمع العـــــــــين يمـــــــــــــــچ .. ورجيته
ابتعد كلمــــــــــــــــــــن نخيته .. والرجيته
ولا واحــــد اجانــــي وحــــــــــــــــن عليه

هي : رعيتك ليش گلبـــــــــك .. ما رعاني
ويهمــــك فت دليلـــــــــــــي .. وما رعاني
مره احبس بدمعــــــــــــــي .. ومره اعاني
ومره اتطيح روحي ابين اديــــــــــــــــــــه

هي : هجرك ياولف صايــــــــر .. بلا حد
مثــــل سيف اليگص رگبــــــــه .. بلا حد
رحت وآنه انتظـــر ترجــــــــــع .. بالاحد
اجه الاحـــــد ويمتــــــه اتعود اليـــــــــــه

هو : احد سچين صبري وچــن .. ولاحد
التفت وما شفــــت ربعـــــــــي .. ولا حد
شچم سبت اليمــــــــر بيــــــــه .. والاحد
اجي بس شوفتــــــــــچ تصعب عليـــــــه

هي : لتهم بالعمر خلصـــان .. وحـــــده
وأنا ضعني سرى بالهــــوى .. وحــــــده
حلت جنها بعيونـــــك غير .. وحــــــــده
وگمت لاتسأل ولاتمـــــر بيــــــــــــــــــه

هو : غيرچ ماحلى ابعينـــــي .. ولاطاب
ولا دونچ دخل گلبــــــــــــــي .. ولاطاب
يجرحي وياچ ماهَّــــــــــــود .. ولاطاب
دم ينزف ولا تدريــــــــن بيـــــــــــــــــه

هي : محبتك تجري وي روحي .. ويدماي
وعليك انشلت اعظامــــــــــــي .. ويدماي
انچويت أبأيـــــــــد أنا نــــاري .. ويدماي
ولكن مـــــن يطابگهــــــــن سويــــــــــــه

هو : عليچ الروح راحــــت .. من يردهه
أوكيحه اهمومي صــــــارت .. من يردهه
خطيه الروح ملـــــــــــــــت .. من يردهه
لأن بس الصبر لبــــــــــــس العليــــــــــه

تنخة تريد اجيك اليوم بالحال
وانتة اعرف حبيب الروح بالحال
شمحلها وياك ماتقتنع بالحل
ادليك الدرب وترد علية
مشكوووووور اخي الغالي وروعة والله روعة
عاشت ادياتك والله يرحم الشهيد رحيم المالكي