الشتال قصيدة رائعة للشاعر ابو ماجد الزيادي

من طرف **Maitham Alkifaey** الإثنين أغسطس 31, 2009 5:39 am

يمن وكت الشـتال تشــيل مرواح أريـد أكـتبـلك الــرد لـيلـة العــيـد
لــيش تصير شـجره بغير ســبّاح وتضل مسحگ لمعبار المگاريـد
يـالغالي الراد الـظيـم يـنـزاح يضعرس من يلاوي يصير صنديد
مــوش أيصير خيط أبسـاع يللاح ويـخاف مـن الصـفـير بـغير تـهديد
الســفـينه الـتنحدر من غـير ملاّح يكـون الــرادهــا تـوچّي يـمد أيــد
موش أيگوم يبچي بعيـن تمســاح واذا شــــلهت يـهد وي الـهـواديــد
كون الثـوب صـار بســـبع ترواح بـعـد شـــلّه بحيـاته وفـرحة العــيد
تخل أيـعض اشـافه ويـذكـر الراح ويخلّــص رادته مـن هـــالعـرابـيد
يحط دمّه بجـزازه الـــراد يرتاح مــوش أيعيــش خايف دوم رعديد
يضل ليله طويل بغـيـر مصـباح وتضل المحنه كـلـما جـالها تزيد
حتى العنده باجي فضالة أجنـاح يفر بــس ما يصحله أيطـير لـبعيد
چانت ناســـنه تــتلاحگ الطاح وهي الچانت گبل تفزع أعلى الويد
يشـيلون الكلافه أعليهم ارماح واحدهـم غـيــور وشــوفه أبـعيــد
واذا گالو بـذاك الصوب الأصياح حط ايده برفـيجـه وفـاج فــرد أيد
يـفزع حــتى كونه بعازت سلاح ولا يـتـنـه لــما تـــرد الـمــراديـــد
لليمتها تضل مجهول يا صــاح صـفر كـتر الشـــمال تصـير شــتفيد
كون تريد گاعــك تطــگ قـداح عـــوف اخـيالـتـك مـن غير تحـديد
ترى الما يروي گاعه موش فلاّح ولا يگــدر يــلم عــونة حـواصيد
ولا يگدر يلم عونة حواصيد
أبو ماجد الزيادي

من طرف broken hearts الإثنين أغسطس 31, 2009 9:56 am

عاشت الايادي على الكلمات الرائعه

الشتال قصيدة رائعة للشاعر ابو ماجد الزيادي

الشتال قصيدة رائعة للشاعر ابو ماجد الزيادي

رد: الشتال قصيدة رائعة للشاعر ابو ماجد الزيادي