محاورة بين مسيحية ومسلم

شديني بصليبج مره وانسيني
ومن تنخين عيسى والله تلكيني

احلفج الكلاده لاتنــــــزعيهه
وعلى كلبج انام الليل خلينـــي

احسبيني طفل بردان احسبيني
وبشعرج يحلوه انتي التغطينــي

شديني بصليبج يامسيـحيه
وبشمع الكنايس انتي شعليني

جنت بالدير شمعه اضوي بانواري
وتدرين الكنيسه ضلمه من دوني

على مودج شربت الكاس ياحلوه
مو لأجلج ولا لأنسان اتردد بديني

وعفت ثوبك يقيس ابحسرة اهمومي
ونسيتي الجامعة انتي ونسيتيني

على ديارج اطير امتيه وعطشان
رحت انتظر جفج يجي ويزكيني

ولون موتي حظر اكتبلج اوصيه
شديني بصليبج مره وانســــيني
.................................................. ........................................

هل تعلمون ماذا قالت المسيحيه..................


المسيحيه

.................................................. .................................................
المسيحيه
يامســـــــــلم عجيبه نيتك نيه
تعوف اسلام وتحبلك مسيحيه

لجن شفت العشك مربوط بالفطره
مامحـــــــــدود بأديانن سماويه

لاقران لاتورات لاانــــــــجيل ولارب
العرش ارسل رسول ويسر معانيه

العشك يامسلم اتمثل بنسمة ريح
والمحبه تشبه نسمة ريح شاميه

ابمواعيد وكلب مشتاك واقلام
الشعر تنظم سوالف سمر شتويه

شمحلاه العشك بالسنتر شمحلاه
وشمحلى التمثال لونكعد ابفيه

وهجر ديني لجلك وادخل بدينك
واسد باب التــــــــقاليد البدائيه

ولساني امرته يردد التوحيد
وأشهد طه النبي سيد البريه

ولمكة المكرمه اتعنيت يامسلم
وكدامه اشهدتله انه
( انا مسلمة عـــراقيه)

الله ياخي الغالي
القصيده اخذتني الى سنتر مجمع باب المعظم
وتمثال الدينصور مقابل المتحف


شمحلاه العشك بالسنتر شمحلاه
وشمحلى التمثال لونكعد ابفيه

آآآآآآآآآآآآآآآآآآآآآآآآآآآآآآآآآآآآه
الايام الحلوه بتعدي بثواني
الايام الحلوه مابتركعش تاني

مشكككككككككككككككككور اخي العزيز
عالمعاني الجميله التي حملتها القصيده
وعلى جهودك الرائعه

ارق واجمل التحايا الى الاخوه المسيح من زاخو الى الفاو