تع ـالو شـوفوا دايسـكي ديصارح هيكـارو هع هع ... يفوتكم وداعت فيكا الكبير هع

من طرف نهر الحب الجمعة سبتمبر 25, 2009 8:20 am

مراح ــب ..

تع ـالو شوفو دايسكـي ديصارحها لهيكارو هع هع

فد يوم من الايام داسكي ضايج فد نوب و قلبة ديحترك يريد يصارح هيكارو بس مستحي ضل يفكر شلون شلون شيكول شيحجي فكر زين و حفظ الحجي وراح على هيكارو جان يكلهة : هيكارو عندي شغلة وياج تكدرين تجين للمزرعة الساعة بـ 12 باليل
هيكارو كالتلة: لا عفية ما اكدر عيب اني بنت عرب و عيب هالسوالف وبعدين اني اخاف من ابوية
داسكي كال: يمعودة السالفة مو اكثر من خمس دقايق المهم قنع البنية تجي للمزرعة
والله صارت الساعة 12 جان تجي هيكارو للمزرعة لكت دايسكي
هيكارو كالت: احجي شتريد عالسريع ترة ابوية يفز بليل يتفرج على صحون المنيفو
توة دايسكي دا يريد يريد يصارحهة جان هيكارو تصيح يمة دايسكي شوف القمر صاير لونة احمر

( تعرفون من يصير احمر و هالكلاوات مال الكارتون )

جان دايسكي يكول: ولك هوة اني حديقة هسة وكتك يا فيكا الكبير مو توني دا اريد اصارح
بهالاثناء جان يجي دامبي للمزرعة

دامبي كال: ها ولك دايسكي لكفتك اليوم اصمط جد جدك تعال
.

جان هيكارو تكول لدايسكي : ولك اركض هذه ابوية جلاد هسة يعلسك افلت عيوني

جان يفلت دايسكي و يدردم بينة وبين نفسة لعد اني شكد فُكر لا دامبي يرحم ولا فيكا يرحم
جان تدك الساعة مالته هاي الخرافية
اهووووووووووووووو دكتور امون هسة وكتك
المهم فتحة الساعة دايسكي كاله: ها بوية شتريد
امون كال : ولك وليدي ترة صار العلس اربعة بربع قوات فيكا جاي تعلس الناس بالسوك عالهوية
دايسكي كالة : زين ادري كل مرة علية متخابر على كوجي والله بزعتوني
امون كال: انت خابر كوجي و اطلعو سوية اني ماعندي رصيد
دايسكي كال: انت لشوكت تبقة حديقة ؟؟؟ كال ما احجي وياك تكول ما عندي رصيد
المهم خابر دايسكي كوجي جان يكولة ولك انت وين ترة العلس بالسوك شغلة طايرتك و تعال
كوجي كالة: ادري هسة وكتكم مو دا العب بلي ستيشن 2 وية كورو
دايسكي كالة : ولك هسة وكتهة ولك امشي اني تعبت كل يوم اروح وحدي ولو انت طرطور يجيك صاروخ توكع طيارت و يجي كرندايزر يشيلك

المهم ضل دايسكي يمشي بالماطور لحد ما جيت من النهر و تحول الى دوق فليد

وجان يطلع من الطريق المعروف طريق رقم سبعة

وحاط صورة هيكارو عالدشبول مال كرندايزر يكول شوكت اصارحج ؟ مو راح اتخبل
والله بهالاثناء كوجي وصل للسوك و شاف العالم تتراكض جان يخابر مركز الابحاث كالة عيني هذه الوحش العلاس شسمة
كالولة مركز الابحاث الوحش اسمة (( سجينة ام الياي ))

والله كوجي صار سبع و جان يقصف صورايخ

همة شافو جماعة المنيفو جان يضربون عليه بال بي كي سي وعلكت عليه
و الوحش لازم العالم و علس عالهوية
جان يجي كرندايزر كلة عمي صلي على محمد وال محمد هاي شبيك بس تعلس بهالابرياء
الوحش كال: اللهم صلي عليه انت شبيك خليني اشوف شغلي لو اطيح حضك ادبسز حيوان
جان كرندايزر يضوج : كالة لعد اني عفت هيكارو علمود شكولك الزفرة؟؟؟
جان يضربة بالصحن الدوار

جان يصدة الوحش للصحن الدوار
جان يضحك كالة عندي رعد فضاء
والله جان يضربة و يفجر الوحش
جان يجي يشيل فد بينة خطية علسة الوحش

والله رجع عالسريع جان يصيح هيكارو جان يصارحهة
هيكارو كامت تتفيك براسة : اني ما اسوي علاقة و اني مخطوبة لابن عمي باندا
جان يشيلة دايسكي للبوري و رجع لدكتور امون يركض
و الي اللقاء مع البوري الثاني

Very Happy