سألـــــــوني عليـــك ...؟ وجاوبت الدمـــوع .. أسكتهن ولكن غلبن لساني

من طرف أشراقة الحب الأحد أكتوبر 04, 2009 2:18 pm

مســـاء / صباح
الحب والطيبه على جميع متصفحي فضاء السماوة
قصيدة رااائعه لشاعر الحب محمد رحيمه احببت ان اشارككم قرأتها

اسكتهن ويبچن ..
والدموع الوان ..
عيوني وعالبواچي ..
مالهن ثاني ..
شلت بيدي الجمر ..
والحرگة احس بالروح ..
ولا گلت لشماته ..
الجمر چواني ..
اطحن قهر والهم ياكل ويه الروح ..
منشوفن ذكرياتك ..
فوگ حيطاني ..
عفتني ابليل وحدي ..
والطريق طويل ..
تيهتك ..
وجرحي اعليك دلاني ..!!
ماعوفك چذب ..
والگالك چذاب ..
ولا تگدر حبيبي بيوم ..
تنساني ..
من تضحك ..
تردك ضحكتك للشوگ ..
ومن تحزن ..
تشوف ابعينك احزاني ..
اسرارك ابگلبي ..
وما بحت فد يوم ..
ولا گدروا عليه ..
وباگوا لساني ..
ضميتك جرح ..
واتچه عالاحاه ..
وامكابر ضحكت ..
اگبال عدواني ..
من تيهت روحي ورادوا يدورون ..
اجو يمك ..
لأنك انت عنواني ..
فرغت سلتي ..
وماظل اليه متاع ..
ما حنيت .. وانته ابوسط بستاني ..
حاطتني السيوف .. ويمي صار الموت ..
وانت ابعيد گاعد ..
گلي شمتاني ؟؟
ما ظن قصرت ..
والعشرة صار اسنين ..
ورهمت اعله بردك ..
طبع نيراني ..
بعدك بالگلب ..
متربع ومرتاح ..
وعطرك لسه اشمه ..
ابين قمصاني ..
يالنايم ..
عيونك ما تمل النوم ..؟
وآنه اعله السهر ..
متعوده اجفاني ..
بدموعي رويتك ..
همي بس تصير ..
عفت زرعي وتركته ..
وذبلت اغصاني ..
سألوني عليك ..
وجاوبت الدموع ..
اسكتهن ..
ولكن غلبن لساني ..
عرفوا كلشي بيه ..
وكشفوا الاسرار ..
لأن حبك لوحدك ..
هو بچاني ..
عشت وياك دنيا ..
ويوم ياكل يوم ..
سجين ابقفص حبك ..
وانت سجاني ..
ابرد ثلج يمك ..
واستر المضموم ..
اخاف اعليك من نيران بركاني ..
دليت الفرح من شفته يمك چان ..
اجت يمي الاحزان .. وهو ماجاني ..

من طرف **sly boy** الأحد أكتوبر 04, 2009 3:11 pm

جميل جداً سيدتي
قصيدة جميلة ومعبرة
سلمت أناملك على النقل أحسنتِ الاختيار

من طرف كاظم المسافر الأحد أكتوبر 04, 2009 8:56 pm

اطحن قهر والهم ياكل ويه الروح

سألوني عليك ..
وجاوبت الدموع ..
اسكتهن ..
ولكن غلبن لساني ..
عرفوا كلشي بيه ..
وكشفوا الاسرار ..
لأن حبك لوحدك ..
هو بچاني

كلام روعه تسلمي اختي الغاليه عالمجهود
دمتي للابداع ذخرا

من طرف أشراقة الحب الإثنين أكتوبر 05, 2009 10:51 am

مشكوووور sly boy
عالمرور الجميل

كاظم مسافر
اخي العزيز
اشرقت صفحتي بتواجدك ....

سألـــــــوني عليـــك ...؟ وجاوبت الدمـــوع .. أسكتهن ولكن غلبن لساني

سألـــــــوني عليـــك ...؟ وجاوبت الدمـــوع .. أسكتهن ولكن غلبن لساني

رد: سألـــــــوني عليـــك ...؟ وجاوبت الدمـــوع .. أسكتهن ولكن غلبن لساني

رد: سألـــــــوني عليـــك ...؟ وجاوبت الدمـــوع .. أسكتهن ولكن غلبن لساني

رد: سألـــــــوني عليـــك ...؟ وجاوبت الدمـــوع .. أسكتهن ولكن غلبن لساني