بنات الجامعه غزل رووووووووووووووعه

ماشايف مثل طولج بعد ماشوف
وأقنـّـع عيني بيش وتقنع وترضه
وانتي اخيالج ايغازلج من تمشين
وبعضه ايلوم بعضه وياكل ابـّـعضه
كَـبلج ماجنت شاعر غزل معروف
ولاموا..... مادروا بيه الغرام أمضــه
وشعري البي رفض ويرددونه الناس
من خزرة اعيونج يستمد رفضـــــــــه
يل كلـّـج براءة وكلشي يلصف بيج
واتشوفج عيون الناس المْـغمـْـضه
الشارع بي صداع ايصير من تمشين
وطوله ايكَــوم يفتر يردم ابعُـرضه
و( أبو الطيـّـب ) يغض النظر جان ايكَــول
بس لو شاف طولج فنـّه..اذا..غضـّـه
المستشفى اذا من بابهه اتمرّيّــــن
عراضه لشوفتج تتظاهر المرضه
خط أحمر ..جمالج رِسَـم فوكَـ الكَـاع
وحظر تجوال ( خصرج ) وحـّــده ايفرضه
الفتنه( الطائفية ) عيونج الحلوات
عليهه احنه اختلفنه وبعد مانرضه
الامن مايستقر وتفرضه شرطه وجيش
بس بسلاح عينج نكَـدر انفرضه
والفوضه البالبلد مو من سياسيين
الفوضه البالبلد من شعرج الفوضه
كاغد ماي خدّج والهوى ايهز بي
ومن كَـد رقّـته بالهوه مايرضه
حظه بيج النده..بخدّج طبع نيشان
جا... شتسوّي بيج اشفافي من تحظه
( عصر النهضه ) داخوا بي ماشافوج
وانتي الشايله بصدرج الف نهضه
يلبعينج سحر ليل الله طش الشوكَـ
وانجومه اعله خدّج صاغهن فضـّـه
الحظ من يشوفج صدفه بين الناس
يلزم حظّـه بيده ..ايطيّـح ا بحظّــه
الشمس حتى الشمس من تسد باب الليل
تنزل على شعرج حتى تتوضـــــــــــــه
غلط ( احمد مطر ) ميخلّــده التاريخ
لئن عن لون خدّج ماكتب ومضه
قرضه امن الشمع بالظلمه نطلب نور
وانتي النور منّج يطلب القرضه
ولئن تعكس بياضج والبراءة البيج
وحّدهه..( المرايه ) اتكّـوم تتشظّــــه
(بالزي) من أشوفج كلّـــي اصيرن عين
وأفض كلشي امنديّـه وخلكَــي ما فضـّــه
مثل الظل وراج عيوني مصلوبات
ودرْب ( الجامعة ) خلّــــيت بي رضّــــه
وزير التربية لازم يحط اشروط
لنظام الجامعة ..وعالمجلس ايعرضه
وايصدّر قرار وكلهه تعمل بي
وتنصاع ( العمادة ) وتعمل ابوعظـــه
طولج من يمر ..يم الاستعلامات
عميد الجامعه يوكَـف ( صنم ) لحظه
وباب الجامعه من يمّـه من تمشين
(مدير القسم) لازم يركض ايكظّــــه
مو لجل العلم بالجامعه الطلاّب
على مودج تره الطلاّب.. مكتظـــــــــه
تدرس بالمناهج صدكَـ ليل انهار
لكن تمتحن برموشج اللمضـــــــــه
كَــراج الجامعه سنطه ويبجـّي العين
بس لمن تجينه اتصير بي ركضـــــــه
المحاضر بالدرس مايحفظ الموضوع
لئن ملتهي ابثغرج رايد ايحفظـــــــــه
بالروضه خبر طش راح تتعينين
وعلى مودج زلم سجّــــلت بالروضه

الله على الابداع بالاختياار المميز

كالعادة عناوين التميز منك
شكرا لك ولمجهودك

تسلم اناملك يا اخ كاظم والله اتحفتنة بكتاباتك
لكن عنوان القصيدة عن طالبات الجامعة هل كل الحب في الجامعات يستحق ان تكتب له هذه القصيدة

طبعا مشكور اخي العزيز على التعب واني من هل لحظة مع الاخ
الاحساس الهادىء في الرد كل هذة الحب لبنات الجامعة انتة
الان في محكمة قاضئية واني الحاكم مالتهة اعترف اخ كاظم
دفاعا الى زوجتك واني بمكاني رد

داناااااااااااااااااا غلباااااااااااااااااااااااان
يمعودين يمحكمه يا دفاع وحده وحده
اولا القصيده عجبتني ونقلتها مو اني كاتبها
ثانيا الحب ليس له مكان محدد ولا زمان معين
الحب يدركنا ولو كنا في بروجا مشيده
انه كالموت ليس لنا مفر منه
اما عن حب الجامعه
فاعتقد ان اهم مايميز حب الجامعة
هو الاجواء التي نعيشها في ذلك الحب وهامش الحريه في اللقاء
بمن نحب وكثرة العاشقين
حيث تكون الجامعة
مدينة الحب بلا منازع
لكن يبقى الحب حبا ولو في الهلالالالالالالالال ؟؟؟؟؟
تحياتي اخوتي الاعزاء ودام الحب النقي في قلوبكم نبراسا ينير
دياجير الظلام في الحياة الفانيه
شكرررررررررررا لمروركم الرائع

مشكوووووووووور اخي الغالي على العتراف
بس اني مو قصدي اله انتة تحب من بنات الجامعة ومنزل هل القصيدة
وانما انتة كلت الحب يدركنا حتى لو كنا في بروج مشيده
بس لازم تعرف انة الانسان له موقف يعتز به اي لة لوحة رسمها وجمع فيها افكار
اي تجربة من اي تجار كان له موقف بها اي ايشي بالحيات قام بدور بطل الموقف
مو اله الصيغة الي في بالك وهية مسالة الحب اي مو اي حب بل الحب نفسه انتة من
خلال جوابك كان لك شي ومعتز به من ايام الكلية لان صحيح الذكلات سابقا في الرد
وكل مرحلة لها معزة خاصة وهاي المرحلة ماتخونك الذاكرة بيها
ومشكوووووووووووور اخي العزيز لرد تقبل مناقشتي اختك نونة الحب

مشكوووووووره اختي الغاليه
ردودك وجميع الاعضاء اتقبلها وبكل رحابة صدر
اما بخصوص مايتعلق بالجامعه والحياة الجامعية
فاني وكلي اعتقاد ان العمرالحقيقي لي لم يكن اكثر من اربع سنوات
واما بقية الايام فهي مجرد شمس تشرق في الصباح وتغيب في الليل
حتى اتمكن من معرفة ايام الاسبوع لا اكثر ......
ستظل الجامعة بغداد الهواء الذي يدور في رئتي
والدم الذي يجري في شرايني حتى الرمق الاخير

عذرا ... فقد حملني الشوق والحنين الى تلك الايام الجميله
شكرا لمرورك المتواصل اختي الغالية