مـــا أصبــر بـ ع ــد لاتــكلي أصبــر ....

ما اصبر بعد لتكولي اصبر
احس فراكهم ولله كتلني
صار سنين مو ايام واشهر
لا حس لا خبر منهم وصلني

عليه اليوم شو صار بسنة يمر
وانا على الامل عايش بعدني


احس حتى العسل بفراكهم مر
وتريد الفرح هاي الناس مني
وانا على الفرح محتار ادور
وجذب كدامهم من ضيمي اغني


بمواويل الحزن يا كلبي كثر
وشتكول الناس خلي تكول عني
من فراكهم انا يا ناس لليوم
هذا انا غناي وهذا وني

ما اصبر بعد لتكولي اصبر
احس فراكهم ولله كتلني


للشاعر حــــــامد الغــــرباوي